15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Dawa pyndam ka HYC ya ki 2 ngut ki Scheduled Caste wow lai puræ na ka State Quota

Advertisement ad1
Advertisement ad1

Ka Hynñiewtrep Youths’Council (HYC) Education Cell lyngba u Enlang Sawian uwa man kam u Secretary Education Cell CEC da pyrchah joor ko hajrong i mih pyrtuid wei yoh bhah ki ar ngut ki khynnah puræ kitæ u Iftikar Ali Mondal wa ka Ummay Habiba Begum kam ki Scheduled Caste wow lai puræ lyngba ka State Quota.

Kini ki ar ngut daw yoh ki u lai puræ ha ka College of Agriculture, Manipur lyngba ka chnat Department of Agriculture & Farmer’s Welfare yong ka sorkar jylla katkam i pynbna wa da pynmih ha ka 28-08-20.

Ka seiñ da ong ko wa ym sñiaw yahap ko hajrong ini i yoh bhah kyrpang kini ki ar ngut ki khynnah kiwa ym toh ki jaitbru Ri-loom ka jylla Meghalaya wow lai puræ na ka bhah ka sorkar jylla.

Da dawa ko naka Directorate of Agriculture wow pynche hajrong ini i yoh ki ar ngut kam ki Scheduled Caste wow lai puræ lyngba ka State Quota kawa toh hok du neibynta ki Scheduled Tribe katkam ka yutip wa yoh ka seiñ.

Ka seiñ da dawa ko leh wa nadooh ynnu ki Scheduled Caste (SC) wa ki Other Backward Classes (OBC) yoh ki ya ka bhah kyrpang wow lai puræ lyngba ka State Quota.

Da dawa ko leh na ka Directorate of Research and Training, Technology wow pyndam noh yei pyrtuid kini ki ar ngut katkam ka Notification wa da pynmih.

Share this:
Previous

Booh thong ka jylla hadooh 2 lak tylli ki manyung ha uni u snem wow yoh umkor

Next

Pynman ka MBS&G West Jaiñtia Hills ya ka Fit India Youth Club Programme