Ka Shillong Golf Course kawa man kawi na ki thaw wa pawnaam ka Shillong da em boonsien iwa da pyrchang wow pynbha pynmiat yaka wei neiliang yong u montri rangbah ka jylla leh da dep pynman u yaka yalang wa ki chnat sorkar hajrong ini.
Kamtæ hajrong ini i jooh i kaam yow wanrah yei kreh yow poi cha kani ka thong kamjooh yow wanrah yei khooid, ynne ka sngi da pynman yaka yalang ha Shillong Golf Club deiwa emlang u MLA ka thaaiñ uwa man leh u Montri sorkar u AL Hek wa chongknor daka Deputy Commissioner deiwa emlang ki dkhot ka Shillong Club, ki Board of Directors, ka Meghalaya Golf Promoters’ Society, ki waheh chnong wa ki seiñ khynroo ki dong wa em haka thaaiñ Golf Links, kiwa mihkhmat ka sorkar kam na ki Police, Forest, PWD, Urban Affairs, Tourism, Pollution Control Board wa ki seiñ krehmon sñiawbha kam ka Jiva waka Green Tech heiwa da chim ya kini ki rai:
U pynbait noh yei thaw wow lai ka sarok yow pynneh pynsah yaka Golf Course kamjooh yow booh leh yaki thaw neibynta kiwa uiñke suwari, ki thaw dai baam, ki thaw yah Cycle, ki thaw booh kari wa kiwi kiwi.
U chna yaka Task Force neibynta wow pynkhooid wei wow pynmiat dur yaka thaaiñ Golf Link deiwa booh da ki thong.
Kammon wow pynduna yei khynnia ini i thaw, kammon wow pynmih poisa wei wow pynman leh yaki lympung yalehke.