Ka Hynniewtrep Achik National Movement (HANM) hapoh i yahkhmat yong u Working President yong ka East wa West Jaiñtia u Pynshngaiñ Papangha ha kini ki kajiak sngi wa dep da lai pait lai sylli ki yaka yingkieñ Umpyai wa em hapoh u pood u ang yong ka chnong Mynksa, West Jaiñtia Hills District.
U Pynshngaiñ da pyntip u wa ha i lai paitbniah yong ka HANM Shangpung ya katai ka yingkieñg da chem wa em i piah i pdang yong ki bynta wa napoh yong ka yingkieñ.
Da pynbaad wa i sih kani ka yingkieñ toh neidaw wa lai ki truck kiwa kit palat pood yaka kyndon wa da dep booh itæ hapoh 9 Ton wei ini da booh ko yei maa yaka yingkieñ Umpyai kamjooh ki paidbah kiwa lai lyngba lada ki bor wa toh u pait ym chimkhia smat ki.
“Kani ka yingkieñ man sakhiat ko u budloom wa i kyrkhu ya kiwa boon ki chnong kam ka Mynksa, Khlookynrieñ, Byrwai wa kiwi kiwi kiwa lai luti man-ka-sngi na kani ka yingkieñ yow pynpoi yaki mar rep cha ki yaw ki haat”, da ong u Papang hawa pyntikna hajrong itai i maa wa yang ya katai ka yingkieñ.
Kamtæ ka HANM ka dawa ko na ki bor wa toh u pait wow pynyoh da ka yingkieñ kawa thymme wei wow booh daka khyrdop yow khanglaad du yaki truck wa kit palat pood wow lai lyngba katai ka yingkieñ.