Shillong: U Montri Rangbah ka jylla u Dr. Mukul M Sangma ynne ka sngi da lai booh u ya u Moo-yurim ka Science & Commerce College ha ka yalang wa pynman ha rood ka khloo kyntang ka Mawphlang hei emlang u MLA ka thaiñ u Kennedy Khyriem wa kiwi kiwi.
U Dr. Mukul M Sangma da ong u wa i sdang ya kani ka Science & Commerce College ha Mawphlang toh kam chibynta i thong ka sorkar wow booh ya ka thaw puræ kawa e ya ka sikai wa kyrpang ha ka Science wa Commerce hapoh ka jylla. Da ong u leh deiwa booh ya kani ka thaw puræ cha jngai na ka sor daw pyntikna ko wa kiwa na palatchnong leh ym hap de ki u lai hiar cha sor yow lai puræ iwa yarap leh ya ki wow pynduna yei lutsan.
Chooh chooh da ong wa ka jylla jooh bna naam ko kam ka thaw wa em ki thaw puræ wa miat ha ka wei emkaam wow pynim biang ya ini.
Ya ka thaw wow chna ya kani ka thaw puræ da e mynkna da ka Hima Mawphlang iwa heh 20 acre.
Kiwi de ki wa klam toh u Minister, Home etc H D R Lyngdoh, Minister, PWD (R) etc u M M Danggo, Minister, PWD (B) etc, Dr. M Ampareen Lyngdoh wa u MLA ka Mawphlang, u Kennedy Khyriem.
Discussion about this post