Kiwa yoh COVID-19 ha Meghalaya da pteiñ ki wow em hapoh 50 ngut la soo sngi, hapoh 100 ngut la 11 sngi, kiwa chait leh da boon ki ya kiwa dang yoh la 23 sngi wei kiwa yap da em biang ki la ar sngi. Da ini da pynhiar ya kiwa dang chah ktah wow em ki hapoh 300 ngut
Kiwa dang yoh ynne ka 22 tarik da em ki 42 ngut (ynnin 11), kiwa chait 92 ngut wa 2 ngut kiwa yap ha East Khasi Hills.
Kiwa dang yoh kiwa boon dooh toh ha East Khasi Hills (10) katwa ha kiwi ki District da em ki hapoh 10 ngut heiwa ha East Garo wa South Garo Hills ym em kiwa dang yoh.
Kiwa dang chait kiwa boon dooh toh ha East Khasi Hills (46) wa ha West Garo Hills (18).
I rukom em kiwa dang chah ktah ha ki District man i kamni:
East Khasi Hills (107), West Garo Hills (42), West Jaiñtia Hills (37), Ri-Bhoi (28), North Garo Hills (16), South West Garo Hills (15), East Jaiñtia Hills (13), Eastern West Khasi Hills (12), West Khasi Hills (07), East Garo Hills (06), South West Khasi Hills (05) wa ha South Garo Hills (03).
Waroh kiwa da chait da em ki 98.00% kiwa em 91,482 ngut, kiwa dang chah ktah 0.31% kiwa em 291 ngut, kiwa yap 1.68% kiwa em 1573 ngut, deilang dapoi 93,346 ngut kiwa da dep yoh ya uni u khñiang hapoh ka jylla.
Kiwa dang yoh, kiwa dang chait, kiwa dang chah ktah, kiwa thiah Hospital wa kiwi kiwi man ki kamni ha wah:
