Ka Ministry of Information & Broadcasting ka sorkar India da phah khang (Block) ko ya ki App, Website wa ki Social Media Account yong ka seiñ kawa na baar ri ka “Punjab Politics TV” kawa yajan bha waka Sikhs For Justice (SFJ) kawa man ka seiñ kawa da tipmit kam ka seiñ wa pyrchah aiñ hapoh ka aiñ Unlawful Activities (Prevention) Act, 1967.
Ka Ministry da pyntip ko wa kani ka Channel da pyrchang ko wow pynthut yei suk i saaiñ lyngba ka Internet ha ini i por wa em ka Election MLA, kamtæ ka Ministry dei bor wa em hapoh ka IT Rules, haka 18 tarik uni u bnai da khang ko ya ka kani ka laad pathai khubor (Digital Media) ka “Punjab Politics TV”.
Da pyntip wa ki khubor wa da pynmih ha kni ki App, Website wa ki Social Media Account ye ki wow wanrah yei sñiaw yaphær jaitbru wei pyrchah ri wei daw ktah leh yei yatylli wa i chngaaiñ ka ri. Wei da chem leh wa i sdang ya kini ki App wa ki Social Media Account toh iwa man ha ini i por wa dang pynman Election wot.
Da ong leh wa ka sorkar India u paitbniah ko ya waroh kam kini ki jait kiwa ktah yei long i man ka ri.
