U Montri Rangbah ka jylla uwa man leh u National President ka NPP, u Conrad K Sangma da ong u wa i chah rem ka NPP ha ka Election MP cha ka Lok Sabha na Shillong wa na Tura toh wa em boon ki daw kiwa hap wow thaw wow woh wei wow kdar u khylliap.
Ka kyrtong NPP na Shillong dapoi ko chei wa le katwa na Tura won da jop u kyrtong ka Congress, u Saleng A Sangma ya ka Agatha K Sangma hadien wa da ksoh ya kani ka chuki da kiwa ha-yung u Purno A Sangma la 46 snem.
Hawa e khublei ya kiwa jop Election, u Conrad da ong u wa ha man ka Election da em boon ki daw kiwa phær na kawi cha kawi won ka Election hawa rem wei toh i kaam ram kam ka seiñ saiñ pyrthai wow thooh wei tih ya ki daw wa yah chei rem.
Hawa kyntait wow khana ya ki daw, u Conrad da ong u wa ka Party daw yachong ko yow ngam yillu yow thooh ya ki daw hajrong ini i chah rem tput.
Discussion about this post