U Montri Rangbah ka jylla, u Conrad K Sangma uwa man leh kam u National President ka NPP hawa lai yalap Election ha Mangsang, East Garo Hills neibynta ka kyrtong MP ka Party ka Agatha Sangma na Tura, da ong u wa em boon kiwi kiwa yaleh pyrchah kiwa da lai yalap Election yow pynsñiawthooh bakla chaphang ka aiñ Citizenship Amendment Act (CAA).
Da ong u wa ka NPP toh kawa da kreh wa ki bor ka sorkar pyrdi kamjooh kiwi de kiwa ye u chah ktah heiwa da ye wow pynlait yei krehkaam kani ka aiñ ha ki thaw wa haap hapoh ka Sixth Schedule.
Chooh chooh da ong u wa ka CAA toh yow e laad man tre ri ya kitu ki wym toh ki Muslim kiwa wan yut na Pakistan, Afghanistan wa Bangladesh kiwa da psiah cha India kat hadooh u Kmaichonglad (Dec) 2014.
“Hadooh kattæ ym em kawi leh ka Application yow man tre ri kiwa da yaleh hapoh ka CAA ha Meghalaya, kamtæ ini pynyoo ko wa waroh kitu kiwa lai yalap Election toh kwah ki du wow yah bakla ya ki paidbah yong i,” da ong u Conrad.
Kamtæ da kyntu u ya ki paidbah wym toh u chah yah bakla ki.
Discussion about this post