Ka Hynniewtrep Integrated Territorial Organisation (HITO) Laskein Block Circle deilang ka Thangraiñ Unit hapoh i yahkhmat u Khiejoit Niang wa u Nidathrang Sariang, ynnin ka sngi da lai e dorkhat ki ha yung krehkaam u Sub-Divisional Office Khliehtyrshi Division hajrong i doh bordiñ la le tayaaw ka chnong Thangrain, chnong Iongkwang, ka chnong Shiliang Myntang wa ki chnong wa marjan.
Ha kani ka yachem, neiliang u SDO ka MePDCL da kular u wow chimkhia yeini i chem chitom kiwa chong chnong katai ka thaaiñ.
Ka HITO Laskein Block Circle da lai ujor ko leh cha u Deputy Commissioner (Supply) ka West Jaiñtia Hills wa em boon kiwa chong chnong ka Laskein Block kiwa da ki phaw snem wa da yaleh Card Ration tangwa ym yoh ki hadooh katni leh wot kiwa da em hapoh ka Census kiwa da em da ki hajar ngut.
Discussion about this post