Ka yung krehkaam ka Meghalaya Legislative Assembly Secretariat ynne da pynbna ko wa da tipmit u Speaker ya u Dr. Mukul M. Sangma kam u Leader of Opposition namo uwa yahkhmat ka Liang Pyrchah nadooh ka janmiet ka 28 tarik uni u bnai.
Da pybna leh wa da tipmit ya u Ronnie V. Lyngdoh kam u Opposition Chief Whip nadooh ka janmiet ka 28 tarik uni u bnai.
Ha iwi won i liang, u Dr. Mukul Sangma da ong u wa ka TMC wa Congress burom ki yei rai ka VPP wym bien ki u emlang ha ka liang pyrchah tangwa u ya krehlang hajrong ki mat kiwa ktah ya ka jylla wa ki paidbah.
Da ong u leh wym em iyi iyi i piah ha Liang Pyrchah tangwa du i yaphær hei man kyrpang kam ki Party. Da ong u wa i yaklam hajrong ki mat yong ka jylla wa ki paidbah rap kongsan bar yeiwa yabi lang.
Kam wow kdaw heini wa ka TMC deilang wa ka Congress da em ki 6 ngut ki MLA ha ka yung kawa em 60 ngut ki MLA wei dapoi ki cha ka 10% yow yoh u kam ya uwa yahkhmat ka Liang Pyrchah.
Ka VPP kawa em soo ngut ki MLA ym kwah ko wow ya emlang tangwa u chong samen bait ha ka Liang Pyrchah.
Discussion about this post