15 49.0138 8.38624 1 0 4000 1 https://wyrta.com 300 0

Cha Alappuzha lai ki montri ka jylla yow tip yei rukom leh wow pynduna yei pynmih jhep

0 Comments
Advertisement ad1

Jowai: Ki montri wa ki sahep ka sorkar jylla hapoh i yahkhmat u Urban Affairs Minister u Hamletson Dohling, u montri ka PHE u Samlin Malgniang ka MLA ka South Tura ka Agatha K. Sangma da lai ki cha ka chnong Alappuzha, Kerala yow sñiawthooh ya i rukom noh ya i jhep.

Ha ini i lai, ki montri wa ki sahep sorkar da yaklam ki wa ki sahep ka Alappuzha Municipal heiwa da lai pait ki ya ki thaw nohjhep yow tip bniah kammon da leh yei jhep hapoh kani ka chnong.

Advertisement ad1

Ka Alappuzha Model da tip ya ka kam ka thaw kawa da chemphang hei wow kammon u leh yei jhep wei da tipmit leh ya ka da ka United Nations Environment Programme (UNEP).

Ka Alappuzha Municipal Board da chna 5000 tylli ki Kitchen Bin, 3000 tylli ki Biogas Plant, 2800 Pipe Composting Units wa 218 tylli ki Aerobic Compositing Unit heiwa da em kini, kani ka chnong da ye ko u pynduna hadooh 80 percent i jhep wa pynmih da kiwa chong chnong kiwa em 1.74 lak.

Ka rukom leh ha Alappuzha da ebor ko ya ki manyung wow pynduna weiwow sumaar ya ki jhep wa ye u pyud (Domestic Biodegradable) pyn ha dien chyngkiar ki.

U Hamletson Dohling da ong u wa kam kani daw sdang u leh yei jooh ha Shillong wa ha Tura.

Da pyntip wa ha Meghalaya daw pynchlur wow pynyait ya ki jhep na kiwa pyud na ki wym pyud wei ini u man i kam chibynta wow pynkreh wow pdiang ya ka National Games deiwa pynman ya ka Meghalaya kawa khooid.

0 Comments

Leave a Reply