August 25, 2021
Advertisement
Advertisement
Ynne ka sngi u MLA ka Amlarem uwa man leh u Montri ka chnat puræ puthi ka jylla, u Lahkmen Rymbui da eki u ya ka chithi Sanction Letter wow su tulop ya ki wakreh ka Nongtalang College nadooh ka 1 Naikhynde 2021 lynga ka People’s College Scheme.
Ya kani ka chithi da ekti ha ka yalang wa da pynman ha Nongtalang heiwa u Lahkmen da ong u wa kani ka Scheme man ko kam chibynta yong ka thong krehkaam ka sorkar MDA hapoh i yahkhmat u Conrad Sangma hei wow pynjanai ya ki thaw puræ hapoh ka jylla.
Advertisement
Da ekti u ya ka chithi Sanction Letter cha ki 34 ngut kiwa sikai wa 4 ngut kiwi tawon kiwa kreh (Nong Teaching Staff) ha kani ka College.
Kam wow pynkynmoo heini ya kani ka Scheme da jied ya ki College kiwa em ha kylleiñ ka jylla ya kiwa pynlai da ki bru wa ki seiñ samen wei i e yarap ya kini ki thaw puræ man i leh kam ka thong yong ka sorkar wow pynku ya ki thaw puræ.
Hapoh Ri-Loom Jaiñtia da jied ya le tylli ki College ki wow yoh yarap na ka sorkar kiwa kynthup ya ka Shangpung College, Jaintia Eastern College wa ka Nongtalang College katwa kiwi ki College ka jylla kynthup ki ya ka Nongstoin College, Ri Bhoi College, Tirot Sing College, Tura Christian College, Chokpot College waka Ampati College.
