15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Cha u DC kyrpaad pyndam ka HBDRF yei booh pyrtuid ki pulit ka Hamren ya kiwa chong chnong

Advertisement ad1

Ka Hynniewtrep Border Dispute Redressal Forum (HBDRF) ynne ka sngi da lai kyrpaad ko ya u Deputy Commissioner ka West Jaiñtia Hills District wow chimkhia u yaklam waki bor District ka West Karbi Anglong, Assam heiyatoh wow pyndam yei pyrtuid kiwa chong chnong ka Lapangap kiwa da thoh (Record) hapoh ka Hamren Police Station, wei u thooh yutip leh wa hajrong kayi ka yurim leh ki yeini. Heijooh i por leh yow phah sangeh yei pynkreh sarok ha Pdeiñ Sharieñ Lapangap.

Da ong ki wa ini i thoh pyrtuid ya kiwa chong chnong ka Lapangap deilang wa kiwi won ki bru hadooh kiwa yahkhmat chnong katai ka thaaiñ toh du neidaw wa pyrchah ki yei chna sarok yabor ka Assam wada jia haka 1 tarik Naichiphaw, 2020.

Chooh chooh ong ki, wa napyrdi kiwa da thoh pyrtuid em leh wa ki bor pulit da boohlang ki chirup i dur yong ki. 

Hajrong ini waroh, u Chairman ka HBDRF u Chandame Sungoh khana u wa da yoh yutip ki naki arngut ki bru wada chah kem wei chah rah cha Hamren Police Station haka 3 tarik uni u bnai, neibhah wa yoo ki yei pyrtuid wei dur yong ki bru wada thoh haka Register.

Ong haroh u wa hadooh katni ka sorkar Assam dang pynkreh ko chait chait yow sarok ha Lapangap deilang i yada ki bor pulit yong ka. 

Kamtæ kyrpaad ki wa toh u pynsangeh yei pynkreh sarok wei lada jia wym ye ki wow pynsangeh leh, tangwa toh u pyntikna won ki wym hoi u man neibynta u yaknieh thaw, tangwa neibynta i roi i paar.

Share this:
Previous

Yachem ka HFU wa u Prestone yow dawa yarap hawa yap ki sniang ki syiar

Next

Da pynpep ya ka Dorbar ka Seiñ Kur Suchiang