Jowai: U General Secretary ka Kiang Nangbah Government College Students’ Union (KNGCSU), da thoh u cha u Minister of Human Resource Development ka sorkar India hei yatoh wa i rukom thung Principal ka sorkar Meghalaya iwa da ktah bha yei rukom krehkaam ka Kiang Nangbah Governemt.
Ha kani ka chithi da ong wa i rukom thung Principal hapoh kani ka College toh ha ka yurim wa heh rta dooh (Seniority Basis) wei ini da wanrah ko boon i eh i khoo hapoh ka College heiwa ki Principal man ki kam ki Principal du 4-5 bnai donhi wei lai chongnhiah wot ki.
Ini i thung Principal kamni ym em bood ko ya ki kyndon ka UGC wei ka sorkar jylla emkaam ko u bood ya ki kyndon ka UGC yow yoh ki Principal u neh kamwa 2-3 snem yow ye u pyndep ya kiwa boon ki kaam ka College.
U GS ka KNGCSU u J.P. Lyngdoh da e nongmuna u leh yeiwa chem u deiwa ong wa katni dang puræ BA 3rd Semester u wei ha kini ki por da em la arngut kiwa ksoh yei kaam Principal. Uwa man kam u Principal katni da thung ya oo ha uni u snem wei daw chongngiah noh u ha uni u bnai du hadien 4-5 bnai donhi wa ksoh u kam u Principal.
Kamtæ da kyntu ya tnat Human Resource Development wow chimkhia ko ya ini i kaam wei wow phah ya ka sorkar Meghalaya wow bood katkam ki kyndon ka UGC ha waroh ki 6 tylli ki College sorkar wa em hapoh ka jylla.
Discussion about this post