Ka Akhil Bharatiya Vidyarathi Parishad (ABVP) kawa man kawi na ki seiñ ki khynnah puræ kawa em hapoh ka ri, ynnin ka sngi da thoh ko cha u President ka ri wow pynsñiaw yei emkaam wow thung noh ya u Vice Chancellor wa pura hapoh ka skurbbah NEHU.
Ka seiñ da ong ko wa u Vice Chancellor ha kiwon kiwon ki skurbah man u uwa emkaam bha wow pynbiang pyntoh yei emkaam wa man ka sngi tangwa da sñiawdiaw ko wa ha ka skurbah NEHU la chi snem kattu ympu yoh ko ya u Vice Chancellor wa pura.
Da ong ko leh wa i wym em Vice Chancellor ha kani ka skurbah da chem chiboon i duna ha i rukom krehkaam yong ka wei da mih leh chiboon i eh i khoo.
Neiliang ka State Secretary ka ABVP Meghalaya, ka Nibiang Sumer da ong ko wa em 5,000 ngut ki khynnah puræ ha ki 44 tylli ki chnat kani ka skurbah kamtæ deiwa thoh cha u President ka ri da kyrmen wow ye noh u thung ya u Vice Chancellor wa pura ha kani ka skurbah.