Cha u President wa PM ka ri thoh ka LJP Meghalaya wow yarap yei eh i khoo ka jylla

Shillong: Ka Lok Janshakti Party (LJP) Meghalaya State ynne ka sngi da li booh ko ya ka dorkhat wa da thoh cha u President ka ri lyngba u lat ka jylla u Ganga Prasad ha kamra krehkaam yong oo ha Raj Bhavan, Shillong.

Ha kani ka dorkhat da dawa na u President wow thap ya ka ktien Khasi, Jaiñtia wa Garo hapoh ka 8^th Schedule ka riti synchaar ka ri.

ADVERTISEMENT

Da kyntu leh ya ka yungkrehkaam u Montri Rangbahdooh ka ri wow thooh laad yow pynwiar ya i khajia pood hapyrdi ka Meghalaya wa ka Assam.

Da dawa leh wow pynman aiñ noh ya ka Village Administration Bill (VAB) ka KHADC yow pynkup bor ya ki Waheh Chnong katkam dustur riti wa da bood ki nadooh u warim wajah.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

U maap ya ka ram ki warep wa chim ki na ki Bank.

U booddien ka yungkrehkaam u Montri Rangbahdooh ka ri wow pynsakhiat wa da pynemkaam hok ya ki Scheme wa poi na ka sorkar pyrdi wei lada ym em biang i pynkrehkaam wow phah takit da ka CBI.

Ha kani ka dorkhat da ong wa nadooh wa yoh ya ka jylla Meghalaya ha u snem 1972 ki chong wa em cha nongkyndong ympu em u yoh ki ya ka roi ka paar nadooh ki sarok, i bordiñ, ki thaw sumaar wei da mih leh boon ki kaam leh thok, i wym yoh kreh ki khynroo khyllood wei da ktah bha i khang ka NGT yei tih mooyong.

Khaddooh da kyntu leh ya ka yungkrehkaam u Montri Rangbahdooh ka ri wow yaklam yasuk wa ki dkhot ki seiñ kieñ suloi.