Kam chibynta ka International North East Festival wa pynman da u Consul General Ho Chi Minh ha sor Ho Chi Minh, Vietnam hapoh ka Ministry of External Affairs, neiliang ka jylla Meghalaya da lai ko wow chimbynta yow pynyatoh lok waka South Asia khamtam waka ri Vietnam lyngba ki 3 tylli ki “T” kitæ ka Textiles, Trade wa Tourism wa ki le tylli ki “C” kitæ ka Craft, Cuisine wa Culture.
Ya ka Meghalaya da lai mihkhmat da ka chnat Textiles, Arts & Culture waka Tourism wei kani da man ko leh ka sien wa nyngkong wa da pynman ya kani ka NE Festival ha Vietnam.
Kiwa mihkhmat ya ka Meghalaya da yoh ki leh wow yachem wa kiwa boon na Vietnam yow pynchlur ya ki kaam uiñke suwari wa kamjooh leh ka khayi pateiñ.
Da em leh ka ya pynyoo ya ka dustur riti, i pynyoo rong ya ki that ki nep khamtam ki Ryndia, ki chaad tynre, ki rwai tynre yow pynyoo yei dur i sur ka Meghalaya deiwa booh kyrpang ya ki that wa da thaiñ hapoh ka jylla.
U Union Minister of State External Affairs, u RK Ranjan Singh da wan wai u ya kani ka NE Festival deiwa emlang u Chairman & Head Ho Chi Minh Province ka sorkar Vietnam, u Ambassador ka India cha Vietnam, u Consul General deilang wa kiwi kiwa mihkhmat ki jylla ka North East.
Ki Chairman yong awjan 25 tylli ki jyll ka Vietnam, ki bru wa seiñkhih, ki Tour Operator da pynsñiaw ki yei sñiawsuk wow tip wa da thaiñ ya ki that dei wym em ktah ya ka rym-aw, kamjooh ki laad uiñke suwari yong ka Meghalaya yow ya krehlang.
Ka Malaysian Airlines kawa hær cha Dhaka da pynsñiaw ko yei kwah wow phah ya kiwa uiñke suwari cha Meghalaya lyngba ki sarok.
Neiliang won ka Vietnam Airlines da pynbna ko wa daw sdang u hær na Hanoi wa na Ho Chi Minh cha Guwahati.
Discussion about this post