Chadooh ka Supreme Court leh u lai rah ka Congress ya ki 3 ngut ki MLA wa yut

Ka Congress da ujor ko cha u Lamphang ka yung dorbar chna aiñ ka jylla pyrchah ya ki le ngut ki MLA kiwa da yut noh na ka seiñ ini wa dep.

Neiliang u President ka MPCC, u Vincent H Pala da ong u wa ka Party dadep ko wow ujor cha u Lamphang wei daw yang yei rai wa lada ym yahaap, ka Party da pynkhreh ko wow lai cha High Court wot chadooh ka Supreme Court.

U Vincent da ong u wa ar ngut ki MLA kiwa chah Suspend wa kynthup ya u Gabriel Wahlang na Nongstoin wa u Charles Marngar na Mawhati ym ye ki wow lai psiah cha ka NPP chisien wa da chah Suspend wei u Dr. Celestine Lyngdoh u MLA ka Umsning samen ym ye u wow lai psiah cha ka NPP katkam ka aiñ yong ka Tenth Schedule.

U Pala da khana u wa kawi ka ujor toh pyrchah ya ki ar ngut ki MLA, kitæ u Charles wa u Gabriel wei kawi won ka ujor toh pyrchah ya u Dr. Celestine.

Related posts

Da 4 lak tam ki Vote jop ka Priyanka Gandhi ha ka Election wa nyngkong yong ka

November 23, 2024

Ym du ha Garo tangwa ka Meghalaya waroh da yoo yei kylla hapoh ka NPP, ong ka MLA wa thymme ka Gambegre

November 23, 2024

Da ong u wa i yut seiñ toh deiwa yoh yei boon paaid iwa 2/3 bynta katkam ka ain, wei lada ym yoh yeini, ym ye ki wow yut seiñ wei daw ngat ki ha ka aiñ.

Da ong u wa ha ka yalang wa da pynman ha ka 16 tarik u Nasaphra uni u snem, u Charles wa u Gabriel ym em wan ki cha ka yalang katwa u Dr. Celestine wan u cha ka yalang ka Party ha katai ka sngi. Da ong u wa kammon u ong ki wa da e chithi ki ha ka 14 tarik hawa ha ka yalang wa man ha ka 16 tarik, u Dr. Celestine dang wan u cha ka yalang ka Party wei ini pynyoo ko wa em iyi ræ iyi wa chna hi-eh.

Da ong wa ka Party daw lai ko cha kasari lada u Lamphang ym e u yei rai wa yahaap wei heitæ ki paidbah daw yoo ki yeiyi wow mih.

Kam wow pynkynmoo wa ki le ngut ki MLA ka Congress da yut ki cha ka NPP katwa u Ronnie V Lyngdoh, u MLA na Mylliem da sah u samen kam u MLA ka Congress.