Ki kynthai tre chnong wa dai cha deiwa lai tyrwa cha kiwa yah Truck kiwa chah pynsangeh neidaw wa dang em i pynchna ya u sarok NH-6 ha ka thaaiñ Lumshnong, da pyntip ki wa da chah beh wei chah pynkhor ki ha ki kynthai dkhar du neidaw wa lai luti ki nakhmat ki dukan kini ki bru wa em harood uni u sarokbah.
Ini toh iwa da jia ha ka 11 tarik uni u bnai heipor kamwa 11:10 i step ha i thaw wa tip kam i Lad Brishyrnot ha u sarok NH-6.
Kini ki kynthai kiwa em ar ngut da pyntip ki wa da hap ki wow lai luti lyngba kani ka thaw wei ym em sangeh ki wow dai cha hakhmat dukan kini ki bru neibhah da lai tyrwa bait ki cha kiwa yah Truck kiwa da sangeh harood sarok.
Tangwa kini ki kynthai dkhar wa em ha kani ka thaw khlem daw da pynkhor wei da beh ki ki wym toh u wan dai cha ki.
Ym du itæ da ong ki leh wa ki toh ki nong India wei biang hi ki ya ki kot ki sla.
Ya ini waroh da yoh wow riñ Video wei ye phi u pait heini ha wah:
Discussion about this post