Chah dat kawi ka manbei da u tyrnem na khlieh pyn ha u kurim

Jowai: Kawi ka manbei wa sah ha Iengkar Nongjngi da chah dat ko da u tyrnem na khlieh pyn ha u kurim ko iwa jia ynnin ka 6 tarik.

Katkam ka FIR wa da e ha Nartiang Police Station da ong wa ini da jia i heipor 2:45 i sngi heiwa u kurim kani ka manbei u Ajit Bormon da dat u ka da u tyrnem na khlieh heipor wa em ki du ar ngut ha yung hadooh wa da mynsoo joor ko wei u kurim ko da yut u hadien wa leh u ya ini i kaam wei da chem ya kani ka manbei da ka bei yong ka hadien wa wan emkaam ko.

U Ajit Bormon toh uwa naka jylla Tripura wei sah u haka thaaiñ Khliehriat uwa khih ya ki kaam mooyong wei wan u cha yung khon u ha ki por wa lait u.

Related posts

Chah tooh ka Scooty na pchem yung ha Mihmyntdu

March 15, 2026

Na Haryana, na Assam wa na Shillong kem ki pulit ya 6 ngut kiwa lute ATM ha East Khasi Hills

March 13, 2026

Katkam wa pyntip ki dkhot ka RJYF kiwa yarap ya kani ka manbei da kit nyngkong yaka cha Jowai Civil Hospital, Ialong tangwa neidaw wa joor i mynsoo hadooh wa ym tip de ko wow klam deiwa che kamtæ da kit won ya ka cha NEIGRIHMS yow yoh yei sumaar wa biang.

Chooh chooh da pyntip wa kani ka manbei da kwah ko wow yalait noh wa u kurim ko wei da em ki iwi i khon wa dang khian.