Chah dat kawi ka manbei da u tyrnem na khlieh pyn ha u kurim

Jowai: Kawi ka manbei wa sah ha Iengkar Nongjngi da chah dat ko da u tyrnem na khlieh pyn ha u kurim ko iwa jia ynnin ka 6 tarik.

Katkam ka FIR wa da e ha Nartiang Police Station da ong wa ini da jia i heipor 2:45 i sngi heiwa u kurim kani ka manbei u Ajit Bormon da dat u ka da u tyrnem na khlieh heipor wa em ki du ar ngut ha yung hadooh wa da mynsoo joor ko wei u kurim ko da yut u hadien wa leh u ya ini i kaam wei da chem ya kani ka manbei da ka bei yong ka hadien wa wan emkaam ko.

U Ajit Bormon toh uwa naka jylla Tripura wei sah u haka thaaiñ Khliehriat uwa khih ya ki kaam mooyong wei wan u cha yung khon u ha ki por wa lait u.

Katkam wa pyntip ki dkhot ka RJYF kiwa yarap ya kani ka manbei da kit nyngkong yaka cha Jowai Civil Hospital, Ialong tangwa neidaw wa joor i mynsoo hadooh wa ym tip de ko wow klam deiwa che kamtæ da kit won ya ka cha NEIGRIHMS yow yoh yei sumaar wa biang.

Related posts

Chah kem u Pastor wa slaitbor ya ka khynnah wa dang 16 snem ha Assam

June 30, 2025

Hakhmat u pa chah ah rdang kawi ka kynthai hadooh wa yap ha u bru wa paan yalait chan ko

June 30, 2025

Chooh chooh da pyntip wa kani ka manbei da kwah ko wow yalait noh wa u kurim ko wei da em ki iwi i khon wa dang khian.