Ka KSU-EJHDU da pyntip ko wa ynnin i miet ka 21 tarik heipor kamwa 9:00 waje haroh da em ki 3 ngut kiwa chong chnong ka East Jaiñtia Hills kiwa da chah dat ha ki Border Security Force (BSF) kiwa em ha Sonapyrdi.
Kini ki bru toh kiwa da wanlang da ar tylli ki kari dei thmu wow lai cha Shymplong wei da chah pynsangeh ki ha ki BSF kiwa da pynbaad ya ki wa leh ki ya ki kaam pyrchah aiñ heiwa kawi ka kari da chah wow lai chakhmat katwa kawi won da chah ksoh slem ko wei da chah dat uwa yah ya kani ka kari.
Manda wan kiwi kiwa em haka kari wa da yang chahkhmat, kini leh da chah dat ki wei kini ki BSF da tympiah ki leh ya ki yit kari.
Kini kiwa chah dat toh kiwa na Thangskai wa na Tongseng heiwa uwi na ki da rap mynsoo u.
Ki BSF da kam ki wa ya ki yit kari da tympiah da kini ki tre kari tangwa ka KSU da ong ko wa kini ki BSF toh kiwa da muaid wei ini ymtoh de i sien wa nyngkong wa da jia kamni heiwa ya ki nong Bangladesh wa tynyap bru ym ye ki wow leh iyi iyi leh kiwa da chim yei mynsien ki para snaam yong i.
Ka seiñ da beiñ ko yeini i leh bru khloo ki BSF wei daw chong yalang mynstep yow chim yaka rai iyi u leh ki.
Discussion about this post