Chi sngi hadien wa u kyrtong ka Congress deilang wa uwa pynmih salan (Substitute) heithaw yong oo da chah pyndam ki neidaw wym biang i rukom soi pyrtuid kiwa tyrwa pyrtuid ki, neitæ kiwi ki 8 ngut ki kyrtong wa kynthup ya uwi u yong ka Bahujan Samaj Party (BSP) da kyrdandien ki, ini da pynman ya u kyrtong ka BJP wow jup u khlem da em wa leh pyrchah.
Ynne i step, 7 ngut ki kyrtong wa kynthup ya u Soheil Shekh na Log Party, u Jayesh Mevada na Global Republican Party, u Abdul Hamid Khan na Sardar Vallabhbhai Patel Party wa ki kyrtong samen wa kynthup ya u Bharat Prajapati, u Ajitsinh Umat, u Kishor Dayani wa u Ramesh P Baraiya da kynrandien ki.
Uwa khaddooh uwa kynrandien toh u Pyarelal Bharati naka BSP iwa da ieh du u kyrtong ka BJP, u Mukesh Dalal kam u kyrtong wa yaleh.
Waroh da em 24 ngut kiwa da wan thap pyrtuid heiwa 4 ngut da chah pdiang ki katwa 12 ngut da chah kyntait wei 8 ngut toh kiwa da kynrandien ki, da pyntip ka Election Commission of India.
Ini toh iwa da jia ha Surat Constituency wa em ha Gujarat kawa em palat 17.67 lak ngut kiwa thap Vote. I sien wa khaddooh wa jop ka Congress neini toh ha u snem 1984.
Neiliang u Returning Officer (RO) ka Surat, u Sourabh Pardhi da e u yaka Certficate wa jop u Mukeshbhai Dalal kam u MP.
Neiliang ka Congress da ong ko wa daw lai ko cha ka yung bichaar hajrong ini i chah kyntait u kyrtong ko.
Discussion about this post