U MLA warim ka Phulbari, u Esmatur Mominin da chah dat u ha ki bru wa suba toh ki dkhot seiñbhalang ynne i step heipor wa em u ha lait ka yung krehkaam u DC ha Tura hawa dang lai thap pyrtuid u kam u kyrtong MDC ka Garo Hills Autonomous District Council (GHADC).
Ynne da man ko leh ka sngi nyngkong i thap pyrtuid ki kyrtong wei u Esmatur da wanlang u wa uwi u kyrtong wa thap pyrtuid, u Enamul Haque deilang kiwa kyrchaan yong ki chwa wow wai ka yung krehkaam u DC.
Katkam wa ong ki pulit, neiliang ki bor District ka West Garo Hills ym pu em pynmih ki yei pynbna tangwa kini ki kyrtong dapoi ki ha kani ka thaw.
Katwa kini ki kyrtong dang yang ki ha lait, da poor ka khubor wei da wan kiwa boon ki bru wa man ki ki dkhot seiñbhalang kiwa da yalang ya kani ka thaw kreh u DC.
Hanla da em chwa ki pulit wa yang ha lait, kini ki dkhot seiñbhalang da ye ki wow psiah yabor cha i thaw wa em kini ki kyrtong wei ha ini i por, u Esmatur deilang u Enamul Haque da chah dat ki katwa kiwa kyrchaan ya ki da yut ki.
Kamtæ da phah chooh chooh ya ki pulit cha kani ka thaw yow pynjai-jai chwa wow heh yaaw wei ya u Esmatur wa u Enamul da rah ki pulit ki yow yoh yada wei hadien won da lai booh cha Tura Civil Hospital yow yoh yei sumaar.
U Esmatur wa u Enamul toh kiwa da thmu wow yakhun Election kam ki kyrtong samen.
Kam wow pynkynmoo wa u Esmatur deilang wa u Enamul toh kiwa pyrchah yeiwa pynbna ka GHADC yeiwa emkaam ya ka ST Certificate hawa wan thap pyrtuid kam ki kyrtong MDC.
Discussion about this post