Kiwa yah Truck ka Star Cement da pyntip ki wa ynne i step synyaaw ka 20 tarik da chah dat moo ki Truck ki kiwa em soo tylli ha ki ar ngut ki bru wa wan da kawi ka kari Mahindra Thar kawa em Number ML-11-8576.
Da pyntip ki wa ini da jia i heipor wa dang pynyieñ kari ki ha ka Petrol Pump wa em ha Ladrymbai mar pyrchah ka Dosti Hotel heiwa nyngkong nadooh 2-3 waje i step da wan pynawri kini ki bru tangwa deiwa kheiñ wa da muaid ki, da suki hi-eh ki khlem da yaklam wa ki yow lait leh u mih i awri awra.
Tangwa manda jan dap kamwa 4:00 waje haroh, kini ki bru da dat moo ki ki kini ki Truck heiwa da piah ki yit nakhmat wa kiwa boon nei thaw chong uwa yah wa neiliang wa chong u Handyman wei heini i por dang yoh thiah ki.
Kamtæ da ya mih kiwa yah kari tangwa da ong ki wym dat ki ki kini ki bru wei da pyrchang wow yaklam tangwa da klam heh pathan ki.
Hadien kattu katni por da wan ki pulit wei kini ki ar ngut da psiah ki hapoh ka kari pulit wei neiliang ki pulit da phah ki ya kini kiwa yah Truck wow lai cha Phramer yow rap man chngaaiñ ki neidaw wym haap de ko hapoh ka East Jaiñtia Hills.
Discussion about this post