Katkam wa pyntip ki pulit, haka 9 tarik uni u bnai heipor 2:30 i sngi, kiwa suba toh ki nong Bangladesh da dat da bom ki ya ki arngut ki khynroo, u Denglang Diengdoh (19 snem) wa u Harikanto Sargari (21 snem) hapoh u pood ka ri India hajan ka wah Shella kawa haap hapoh i pait ka Shella Police Station, East Khasi Hills.
Ha ini i jia, u Denglang Diengdoh da mynsoo joor u na khlieh wa na ryngkhi katwa u Harikanto Sargari da yoh u wow yut wei da mynsoo u malu mala.
Haka 7 tarik won, u Banshailang Lyngdoh uwa yah yaka Tata-709 truck wa em ya u number ML-080716 da ujor u wa heipor 3 waje i step, heipor wa dang kit moo u na Pynursla, East Khasi Hills yow lai cha Tamabil, le ngut ki bru wa suba toh ki nong Bangladesh da dat ki oo wei hadien da tooh ki yaka Driving Licence u, ka Mobile Phone waka poisa T. 5,000 na oo hajan Latangtila Mandir ha chnong Bakur, East Khasi Hills.
Discussion about this post