Iwi i Video da poor bha i wa pynyoo wa chah dat uwa kamai kari ha ki chipai ka Indian Army ha Shivmandir ka Zero Point, Sikkim heiwa neiliang ka Indian Army da ong ko wa i takit chirup wa ki bor sorkar da lai i chaphrang.
Ha i Video da yoo ya uwa kamai kari wa tip kam u Chalak Guruji wa da chah dat u ha ki chipai iwa da pynchrai ya ki bru paidbah.
Heiyatoh wa ini ka State-Level Chalak Wing yong ka Sikkim Krantikari Morcha (SKM) chirup wa ka Sarathi Welfare Board da beiñ joor ki yeini i jia.
Kini ki seiñ da ong ki wa kam ini i jia da wanrah i yei tieñ hapyrdi ki paidbah neibhah ya kiwa kamai kari da khut maya kam ki “Sarathi” wei da yarap ki ya kiwa boon ki bru khamtam kiwa wan uiñke cha ka jylla.
Da ong ki leh wa em ki chiboon i burom ya ka Indian Army wei ini i jia toh iwa ympoi pyrkhat kamjooh leh emkaam wow pynman yei takit wa laitlooid khnang wow yoh yei hok uwa chah dat.
Discussion about this post