U Montri ka chant puræ puthi ka jylla, u Lahkmen Rymbui da kam u wa i long i man næ ka kyrdan ka puræ puthi ha ka jylla daw sakhi ko yei ku ha u snem wow wan.
Ini da ong u hadien wa ka jylla Meghalaya poi ko cha tre dooh ha ka puræ puthi katkam ka Performance Grading Index (PGI), heiwa da pynsñiaw u yei kyrmen wa ka jylla daw pyrchang ko u dukhi kattu yow pynbha ya ka puræ puthi wei ka PGI khlem pep daw ku ko ha u snem wow wan.
Hawa klam wa kiwa thoh khubor ynne ka sngi, u Lahkmen da ong u wa ka sorkar da chim ko ya ki laad ki luti kiwa khor yow pynbha ya ka puræ puthi ha kini ki phra snem wa dadep, nadooh i pynbha ya ki yung skur, ki tiar ki tar wei kamjooh kiwa sikai.
Da pynsñiaw u leh wa khlem pep, ka Meghalaya ha u snem wow wan daw ku kyrdan ko chajrong ha ka PGI kawa chim yukheiñ yei long i man ka puræ puthi ha ka jylla wa ha ka ri.
Discussion about this post