Uwi u bru na India uwa tip kam u Raj Jasuja (52 snem) da chah dat u ha ki Ladyboy ha Pattaya, Thailand ha ka 27 tarik u bnai wa dep hadien wym bien u wow su yei dor hadien wa dep leh yei kaam.
Ha ki Video wa da poor bha ha ki Social Media da yoo wa da yania uni u bru wa ki le ngut ki Ladyboy wei da mut u wow yut khlem su da kawi ka Taxi tangwa manda mut u wow khang ya ka dwar kari da ksoh ya ka kari wei da wai ya ka dwar kari na waroh arliang heiwa kawi ka Ladyboy da psiah ko na iwi won i liang wei da dat ko oo.
Hadien wa mih u napoh kari da chah sngoh chah dat u heiwa da oor u wei da chah kynjat u heipor wa oor u ha khyndaw.
U Jasuja da mynsoo u neibynta i khlieh wa i khmat wei da kit ya oo cha Pattamakun Hospital yow yoh yei sumaar.
Ini da jia i heipor kamwa 5:30 i step ha i bynta wow psiah chapoh ka Walking Street wa em ha Pattaya.
Ki pulit da kyntu ki ya u Jasuja wow booh u ya ka ujor yow ye ki wow leh katkam ka aiñ.
Kiwa na India kiwa lai cha Thailand da boonsien chah tooh ki kpieñ ksiar wa deiñ ki ha ki Ladyboy wa tia chajan ki.
Em leh kiwa chah lute napoh Hotel ki hadien wa yah ki ya ki Ladyboy cha kamra sah ki.
Discussion about this post