Chah dung u Doctor ha Chennai; Ong ka Bei wa maya ware u khon ya ka

Uwi u Doctor ha Kalaignar Centenary Super Speciality Hospital, Chennai da chah dung u ha u khon yong kawi ka bru kawa chitom Cancer.

Kani ka bru da ong ko wa u khon ko, u Vignesh da dung u ya uni u Doctor neibhah wym em yoh sumaar ko deiwa miat wei da pynbaad ko wa uni u Doctor da kheiñstiñ u hawa sumaar ya ka.

Ini da jia i ha ka 13 tarik wei hadien ini da poor i video wa pynyoo wa u Vignesh da lai u hapoh kani ka Hospital wei da noh u ya ka tari cha lait chwa wow chah ksoh noh u ha ki Security Guard heipor wa pyrchang u wow mih na ka Hospital.

U Dr. Balaji uwa da mynsoo joor katni dang chah sumaar u ha kani ka Hospital wei ini i jia da wanrah  i yei yakhih na ki Doctor kamjooh na ka Liang Pyrchah ka jylla iwa da pynbor ya u Chief Minister ka Tamil Nadu, u MK Stalin wow phah takit yeiwa jia.

Related posts

6 bnai phah kset ka yung bichaar ya uwa kdoh ya uwi u bru hapoh khloo deiwa dat wei pynchitom oo nei miet hei step

December 16, 2025

Chah tooh kawi ka Scooty wa pynyieñ ha lait ka Woodland WK Hospital

December 12, 2025

U Vignesh  da dung u ya u Dr. Balaji nei chrai neibhah da kheiñ u wa i rukom sumaar ya ka bei yong oo ymtoh iwa paka, wei katni da chah sumaar noh ko chawi.

Da ong ko wa u Dr. Balaji ym em tang u pait u ka weiwa u Vignesh leh dei maya ware ya ka kamtæ da leh noh u yeini.

Chooh chooh da ong ko wa neidaw wa dooh ymye de ko wow pyndep yei chah sumaar yong ka.

Hadien ini i jia u Dr. Ezhilan, u MLA ka jylla Tamil Nadu da chong yalang u wa ka seiñ ki Doctor wa u MK Stalin heiwa da ban joor wow yada ya kiwa kreh ha i chait i khiah.  

Da khana u leh kammon i sumaar ya kiwa chitom man iwa khor bha khamtam hawa em i sumaar wa jhan namo Emergency Cases deiwa kyntu ya ki paidbah wow ya krehlang wa ki Doctor.