Hadien wa chah dat u MLA warim ka Phulbari, u Esmatur Mominin ha pchem ka Office u DC ka West Garo Hills ynne i step heipor wa lai thap pyrtuid kam u kyrtong MDC ka GHADC. Da mih i kynaad wa joor bha ynne i janmiet hadooh wa da pynman ya u Deputy Commissioner wow pynkrehkaam da ka Curfew nadooh 6:00 waje i janmiet hadooh 6 waje i step ka 10 tarik uni u bnai ha ki 28 tylli ki chnong wa haap hapoh ka Hallidayganj Police Station wa ka Phulbari Police Station.
Ha ka hukum da ong wa i pynthut yei wan thap pyrtuid ki kyrtong da ki seiñbhalang ye ko wow wanrah yei thut i lai i wan kamjooh ka suk ka saaiñ najrong wa wanrah yei sñiaw yaphær jaitbru neibhah kani ka thap pyruid kyrtong toh kawa daw pteiñ hadooh ka 16 tarik uni u bnai.
Da ong leh wa ha ki thaaiñ Plain Belt ka West Garo Hills toh kawa khleh ki jaitbru wa imlang wei da emkaam wow yada nei mih iwon iwon i kynaad, kamtæ da khang wow leh wow pynman kiwon kiwon ki yalang wa em palat 5 ngut ki bru, u rah ki tiar pynmynsoo nadooh ki tiar yasiat, ki moo ki dieñ wa kiwi de.
Tangwa wot hadien wa da pynmih ya kani ka hukum wei da khang leh ya ka Mobile Internet 48 kynta hapoh ka West Garo Hills, da mih ka khubor wa em ki paidbah kiwa da ki spah ngut kiwa da hiar thma ya ka yung krehkaam ka GSU wa em ha Chibinang Market ynne ka i janmiet.
Kini ki bru wa rah dieñ da tympiah tympra ki leh ya kiwa em hapoh kani ka thaw kam wow pynhiar tput yei chah dat u MLA warim ka Phulbari.
Discussion about this post