Jowai: Napyrdi le ngut ki kyrtong wa yaleh yow chah jied kam u waheh chnong ka Khliehtyrshi, u Kitbok Rymbai da yoh u 1501 Vote, u Stamly Dkhar 79 Vote katwa u Saimi Rymbai da yoh u 55 Vote wei da chah kyntait 47 tylli ki Vote.
Waroh ki Vote da poi ki 1682 tylli haka Election wa pynman ynne ka sngi ka 10 tarik.
Yaka Election da pyllai da u pa Dolloi ka Elaka jowai u Puramon Kynjing deiwa emlang chirup wa ki bru yong oo, ki pulit wa sontreri deilang wa ki bru sorkar, kawa man katkam ka hukum yong ka yung bichaar High Court wa em burom.
Ha kani ka Election, da leh daki Secret Ballot, wei man ko leh kawa lai bait lai ryntih hadooh wa dep jied ya kiwa kitkaam hapoh i yahkhmat u Kitbok Rymbai kam u waheh shnong ha kini ki le snem wow wan.
Discussion about this post