15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Chah jied u sahep ka IAF wow yakhun ha ka Paralympic Qualification Regatta ha Japan

U Wing Commander u Shantanu, uwa man u sahep ka Indian Air Force (IAF), da chah jied u wow lai mihkhmat ya ka India ha ka lympung World Rowing Asia/Oceania Continental Olympic wa ka Paralympic Qualification Regatta ka wow man ha u Naisan 2021 ha Tokyo, Japan.

U Shantanu da sdang u wow kiñ lieñ ha u Naitung (April) 2019, da chah jied u ha ka The Rowing Federation of India ha u Naichiphaw 2019 wow chah hikai ha ka Asian Rowing Training Camp wa Championship ha South Korea heiwa da yoh u yei naam wa 5 ha Asia.

Uni u sahep da chitom u ha u budloom (Spinal Cord) hadien i yatyrrah thuk-thuk ha u Duyatra 2017, wei hadien wa chah sumaar u da lai u ha Spinal Cord Injury Ward (SCIC ward), MH Kirkee, Pune heiwa da sdang leh ya ka Aqua Therapy wa Hydro Therapy.

Da sdang u wow chimbynta ha ki yakob yimpaa wei da jop u ar tylli ki takma ksiar ha ka Maharashtra State Level Swimming Championship wa pynman da ka Paralympic Swimming Association of Maharashtra ha u Naiynru 2018.

U Wing Commander Shantanu da pynyoo u yei mynsien raikut wei ka Indian Air Force pteiñ ko wow pynku wow pynchlur ya ki chipai yong ka wow rah naam ki ya ka ri.

Share this:
Previous

Boon kiwa yoh COVID-19 toh kiwa liwan na baar jylla, ym ye wow pynbaad ya ka Election ha Garo: Prestone

Next

Khlaad noh ka kong Phainet Synnah