U Symbood Montri Rangbah ka jylla, u Prestone Tynsong da ong u wa ym ye wow pynbaad wa ka yalap Election ha Ri-loom Garo man ko i daw wa ku kiwa chah ktah ha ka khlam COVID-19 ha Shillong.
Da ong u wa kamwa man katni, i ku kiwa chah ktah ha ka khlam hapoh jylla khamtam ha nongbah Shillong toh nei wan liwan kiwa lai puræ cha baar jylla neibhah na ki 10 ngut kiwa wan kamwa 4-5 ngut da chah ktah chwa ki ha u COVID-19.
U Prestone da ong u wa ka jylla daw sakhi ko leh ya ar tylli ki By-Election wow jied ya ki MLA, kitæ ha Mawryngkneng wa Rajabala, tangwa neidaw wa ka sorkar yoo ko yei poor ka khlam daw chim ko ki laad wow pyntikna wow yada na i poor ka khlam.
Ha iwi i liang u Prestone da ong u leh wa kamwa man ha ka ri waroh kawi da chem chitom wow yakhun ya ka khlam khamtam heiyatoh wa i em poisa, deiwa pynrap wa ka sorkar jylla katni da booh thong ko wow pynbiang ya ki Oxygen wa ki pyllong ha ki ICU la kammon kammon leh chwa wow kut uni u bnai.
Da pyntip u leh wa ka sorkar da phah ko ya ka chnat i chait i khiah wow pynbiang yeiwa emkaam lada dang emkaam wow pynkhlan næ booh chooh chooh ya ki thaw sumaar.
