Jowai : Ynne ka 18 tarik hei thaw yieñ ki pulit pyllai kari (traffic) ha tre gate ophis u DC ha Iawmusiang, Jowai uwi u bru da wan thooh khajai u ya ki 4 sngut ki kynthai Home Guard wa pyllai kari khlem em iyi yi i daw. Ini da jia i heipor 2:50 nohcharin ka sngi.
Katkam ka ujor (FIR) wa da booh da kiwa chah ktah kti ha u Trechanmi Lytan (26) na Khimusniang da ong wa hadien wa yoo wa pynwit uni u bru ya kawi ka Home Guard bru, da wan klam sa kawi ka Home Guard ya uni u bru yow dam u pynwit ya ka wei da sdang u klam khelm akor sa ya kiwa wan pynyasuk.
Kani kawa chah pynwit ong ko wa u Trechanmi emlang u wa uwi u lok u wei da phah pynchna u ya u sniooh yong u lok u ha kani ka kong. Hadien wa ym bien ko da sdang u klam beiñ ya ka watoh ka man ko du kam ka Home Guard donhi wei oo toh uwa kreh ha ka 5th MLP Battalion, Williamnagar wei da dep yoh sikai u hadooh wow yaleh wa ki GNLA.
Hadien wa wan ki lok kani kawa chah pynwit kawi ka kong da lait nei chah rah kti katwa ya kawi da chah kynjroi ka jacket ko hadooh wa jæd.
Kamtæ ya uni u bru da rah ya oo cha Police Station Jowai dei kyrthai kyrtheit u. Ha Police Station Jowai uni u bru da maham wei da rah kti u leh ya kiwa kreh khubor wa wan thooh bniah yei wa jia.
Hadien wa dep leh ya ka Medical Examination da ong wa uni u bru toh wa wa dep dih kiad u. Kattæ dang ksoh ki pulit ya oo ha thanad.
Discussion about this post