15 49.0138 8.38624 1 0 4000 1 https://wyrta.com 300 0

Chimkhia ka Chilliang Raij u pyllang jhep dei bor yong ka hi

0 Comments
Advertisement ad1

Jowai : Ha kiwa boon ki yung ki dong ha Jowai wei khamtam ha Iawmusiang da sah da lang ki jhep kat chawa kyruiñ neidaw wa dam kreh ki wakreh ka Jowai Municipal Board (JMB) neidaw wa chah pyndooh tulop ki kattu la palat 6 bnai.

Kamtæ kawi na ka dong ha Jowai ka dong Chilliang Raij ynne i step da sdang ko u leh dei kaam yow pyllang noh yei jhep wa da lang ha ki yung wa em ha u pood u ang yong ka.

Advertisement ad1

chilliang-jhep

Da chimwai ki da kawi ka truck Shaktiman wei dang step ynne ka sngi waroh kiwa sah ha ka dong da yoh ki u li noh ya ki jhep wa da sah da ki tayaw ha yung.

Yei lut i sep hei yatoh weini waroh da pyllut da ka dong kamjooh leh da rai wa ya ki bnai wa ym wan pyllang jhep ka JMB da ong wa ym ye de ko u su neibhah da pyllut na ka poisa wa pyllang yow su cha ka JMB.

Da ong leh wa lada ka JMB ym ye de ko u pteiñ yei krehkaam yong ka, ka dong ha kini ki sngi wa daw wan daw chong pyrkhat wei yow rai khaddooh hei yatoh i krehlang wa ka JMB.

chilliang-jhep5

chilliang-jhep4

chilliang-jhep1

chilliang-jhep3

Advertisement ad1

0 Comments

Leave a Reply