Jowai : Kiwa krehkaam ka Jaiñtia Students’ Union (JSU) hapoh i yahkhmat u President ka seiñ u Rikut N. Parien ha kini ki sngi wada dep da yachem biang ko ya u CEM ka JHADC u ma Thombor Shiwat wow pynkynmoo biang ya oo ya ki ar tylli ki phang dawa ka seiñ naka JHADC kam wow pynmih yaki Dak thoh Pnar wa pura wa kamjooh wa yaka Yaw Dailang.
Hei yachem ka seiñ wa u CEM, u ma Rikut da ong u wa neiliang u CEM da pyntip u wa ka EC dadep chongpyrkhat heiyatoh wa kini ki ar tylli ki phang wei ka EC da rai ko wow thung daka Committee wa kyrpang neibynta wow pynmih yaki dakthoh (alphabet) ya kawow pynbna paidbah (Notify) noh.
Heijooh i por u CEM da ong u leh wa heiyatoh wa ka yaw dailang ka Council da mang poisa ko neibynta wow sdang chna ya kani ka yaw kam chibynta wow pynkhlan yei kamai ki padbah ka Ri-Loom Jaiñtia.
Neiliang ka JSU da pynsñiaw ko yei sñiaw kmen wa smat ka JHADC u kreh ya kini ki ar tylli ki phang.
Discussion about this post