Ka Drugs Controller General of India (DCGI), hadien wa sylli bniah ya i tyrwa ka Subject Expert Committee, da pdiang ko wow chah noh u sdang ka Phase II/III wow puræ bniah deiwa pyrchang pynemkaam namo ka Clinical Trial yong i tika Covaxin (i dawai yada COVID-19) neibynta kiwa em hapyrdi 2-18 snem i rta wei ya ini da chah ya wow leh da ka Bharat Biotech Ltd ynnin ka 12 tarik.
Ka M/s Bharat Biotech International Ltd., Hyderabad (BBIL) da paan bor ko wow leh ya ka Phase- II/III Clinical Trial ya i Covaxin deiwa pyrchang ya ini i tika ha ki 525 ngut ki Volunteer wa chait wa khlan.
Ha ini i pyrchang wow e ya ini i tika, daw e ar sien heiwa i sien wa ar u e hadien 28 sngi wa e yei sien wa nyngkong.