Ka Ministry of Health and Family Welfare da pyntip ko wa hadien wa da chah wow e yei dawai yada COVID-19 cha waroh kiwa chong chnong ka ri kiwa em 45 chaneiñ iwa da leh nadooh ka 1 tarik uni u bnai wei neidaw wa kiwa boon kiwa chong chnong toh ki wakreh ha kiwa boon ki yung krehkaam ka sorkar kamjooh yong ki bru samen, kamtæ da e bor wow chah u pynman yei e dawai yada COVID-19 ha ki thaw kreh.
Ka Health Ministry da thoh ko cha waroh ki jylla wa ki UT wa ki thaw kreh wa em kamwa 100 ngut kiwa em hok wow yoh ya ini i dawai yada wow ya krehlang ki wa ki COVID Vaccination Center (CVC) wei ini u sdang noh i nadooh ka 11 tarik uni u bnai.
Du ki wakreh wa em 45 snem chaneiñ kiwa ye u yoh ya ini i dawai wei ym chah ya kiwa na baar i thaw kreh wa kynthup ya kiwa ha yung ha sem yong ki wow chim ya ini i dawai ha i thaw kreh.
I dawai yada iwa ye u e toh du chi jait donhi wei lada i e dawai toh deiwa ya krehlang wa ki CVC yong ki bru samen, ym toh u kheiñ palat T. 100 kam ka bai kreh wa T. 150 kam i bai dawai iwa da poi waroh T. 250 chisien e.