Ka Mahila Congress Committee East Jaiñtia Hills District da lai e dorkhat ko cha u SP yong ka East Jaiñtia Hills District ynne ka sngi heiyatoh wow booh yaka Traffic Cell khnang wow pynsuk ya i lai i yieñ wei yow lait nei sahkut kari.
Da ong wa katkam ki sngi wa da dep, da yoo wa i sahkut kari da man i iwi na ki phang wa ktah ya ki paidbah kiwa lai wa wan wa kiwa yah kari, kamtæ kani ka kaam toh kawa emkaam bha wow leh yow ye leh u pynryntih yei rukom yah kari ki bru.
Da dawa leh wow booh yaka Traffic Police Point ha ka laad wow lai cha Ladrymbai.
Ha kani ka sngi da emlang leh ka Vice President ka Lasting nongtdu, ka General Secretary ka Jenita Mukhim hapoh i yahkhmat ka President ka Jhanika Siangshai.
Ha kani ka sngi da yoh wow yachem wa u J. Mairom, DSP uwa da ong wa smat u wow chimkhia ya kani ka kaam.