Shillong: Ka sorkar jylla ynne ka sngi da rai ko wow chah ya ki Contractor wow wanrah bru wakreh na baar, tangwa kitæ toh du neibynta ki kreh kiwa ymye ki tre jylla u kreh (Highly Skilled), tangwa hap lai ki lyngba ka chnat wa toh u pait wei wow pyntip ya ki Deputy Commissioner wow yohbor u wan psiah chapoh jylla ryngkat wa ki kyndon wa toh u bood ki.
U Prestone Tynsong da ong u leh wa ka sorkar da ap ko yei ood wow pynlait yei rukom kreh kam ha ki kreh sarok wa chna yung, wei wa chem chitom ki wow yoh wakreh na ka jylla kiwa ye u kreh ya kini ki kaam wei ka sorkar da ebor ko wow wanrah ya ki bru kiwa na baar tangwa ymtoh u wan won ki dei boon ngut.
Hawa kylli, da ong u wa kini waroh kiwa wan na baar haap pyndep chwa ki ya ka Quarantine wa 14 sngi chwa wow sdang ya ki kreh wei emkaam leh wow bood ki ya ki kyndon wa da booh ka chnat i chait i khiah ka jylla.
Discussion about this post