Ki pulit ka East Garo Hills da yoh ki wow kem ya ki 15 ngut na ki 16 ngut ki bru heiyatoh wa i yap uwi u bru ha chnong Dagal Nachikol iwa dang haap hapoh ka Songsak Police Station.
Katkam ka khubor wa da phah da ki pulit, ini da jia i ha ka 8 tarik uni u bnai wei da yoh ya ka ujor wa u Talseng T. Sangma (uwa da khlaad noh) da chah dat chah bom u ha ki bru wa boon pyn ha pchem yung u heipor kamwa 11:00 waje i step ka 8 tarik heiwa kini ki bru da wan psiah ki ha pchem yung deiwa maham leh ya kiwa ha-yung ha-sem uwa da khlaad noh.
U Talseng da mynsoo joor u neiwa chah dat wei da khlaad noh u heipor wa pynkit cha Civil Hospital, Williamnagar.
Ki bru wa da chah kem toh kiwa da mih pyrtuid hapoh ka FIR wei dang pynman ya ka takit ya ki 15 ngut wa chah kem wei dang thooh sa ya uwi.
Ki pulit ka East Garo Hills District da kyntu ki ya ki paidbah wym toh u pynmih ya kiwon kiwon ki khubor wa ye wow wanrah yei sñiawthooh bakla wei lada em iwa tip ki chaphang ini wa jia wow Phone ha kini ki Number- 8794765696/600984106.
Discussion about this post