15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

Chah kem 18 ngut kiwa dai kiad tooh

Advertisement ad1
Advertisement ad1
Advertisement ad1

Ki pulit ka North Garo Hills District da pyntip ki wa ynnin ka sngi da yoh ki wow kem kiad na ki bru wa da thmu wow dai tooh deiwa ong wa da em kiwa chim kabu ya kini ki por lehkmen wa da em ki sngi khang dai kiad namo ki Dry Day heiwa da thied ki boon i kiad yow dai tooh.

Kamtæ ki pulit ka Mendipathar PS hawa pynman ki yei kynreh kiad da yoh ki wow kem 13 synduk i kiad pharæng kamjooh i Beer, wei da leh yeiwa emkaam pyrchah ya kiwa emkti ha ini.

Haka jooh ka District, ki pulit ka Kharkutta PS naka thaaiñ ka yaw Bhagabata da yoh ki leh wow kem yei kiad lieh wa 13 synduk i Beer.

Da pyntip wa ya ini da leh yow yada nei jia i mynsoo nei yah kari deiwa muaid kamjooh i leh ya ki kaam pyrchah aiñ deiwa leh ka muaid kiad ha kini ki sngi wa khang dai kiad.

Ha iwi tawon i liang, ka Deputy Commissioner (Excise), East Khasi Hills District da pyntip ko wa ka yung krehkaam da pteiñ ki wow kynreh ya ki thaw wa dai kiad pyrchah yaka aiñ kam ha ki Restaurant, ki dukan wa kiwi ki thaw wei ha u Khonchonglad (Nov), 2020 da chem ya 26 sien ya kini ki kaam wei da yoh kem 306.575 litres i kiad lieh wa 6.370 litres i kiad pharæng.

Heiyatoh wa ini, da kem 18 ngut ki bru hapoh ka aiñ Excise Act wei ka takit dang lai ko chakhmat.

Share this:
Previous

E khublei Christmas u Modi ya ka ri

Next

COVID-19: Da tam 97 lak kiwa da chait ha India, sah sa 2.81 lak kiwa dang chah ktah