Ki pulit ka Guwahati ynne ka sngi Bibar da yoh ki wow kem ya 26 ngut ki nong Myanmar, heiwa na kini 10 ngut toh ki kynthai.
Kini toh kiwa da dep wow sah hapoh kawi ka Hotel wa em ha AK Azad Road hadien wa wan ki na Aizawl da ar tylli ki kari heipor 7:00 waje i step dei thmu wow lai cha Delhi.
Hadien wa em wa pyntip cha ki pulit, da lai ki wow sylli ya ki kot ki sla kini ki bru heiwa da chem toh kiwa da chna thok.
“Najrong ki EPIC wa ki Aadhaar thok, da em ki leh ya ki kot ki sla wa da chna thok kiwa pynyoo wa ki thoh kiwa lai puræ ha Mizoram,” da ong u sahep pulit ka Paltanbazar Police Station.
Waroh 26 ngut toh kiwa na Falam District ka Myanmar, wei da em leh kiwa dang hapoh 18 snem. Da khana ki ya ki ya ki pulit wa mut ki wow lai cha Delhi yow lai chimbynta ha ka yalang niam.
Palat 10,000 ngut ki nong Myanmar kiwa man ki jaitbru Chin da yut ki cha Mizoram hadien wa knieh bor ki chipai yei synchaar ya ka ri nadooh u Thohlakhmi (Feb) uni u snem wei da em leh kiwa da psiah chapoh Manipur yow yut na ki chipai ka Myanmar.
Boon na kini ki nong Myanmar da e thaw sah, da yarap e baam ya ki ha Mizoram da ki jaitbru Zo kiwa man leh kam ki jooh ki jaitbru kiwa em ha Myanmar.
