Ha i step ka 29-04-2026 heipor kamwa 10:15, ki pulit da pyntip cha ki wei da pynyoo leh chirup wa i Video wa pynyoo ya uwa yah Truck wa da chah thombor u ha ki le ngut ki damok wa wan da ka Tourist Taxi wa em Number ML-04D-2611.
Ha ini i Video wa da riñ napoh ka Truck, da yoo ya kini ki damok wa da pynsangeh ki ya ka Truck deiwa booh da ka kari hakhmat ha u sarok wa lai na Moodymmai cha Demtring wei manda poi ha Madur kini ki damok da lute ki ya kani ka Truck.
Nyngkong da yoo wa hiar chwa ki ar ngut napoh kari kiwa lai yaklam wa uwa yah Truck wei hadien da hiar sa uwi. Da sñiaw leh ya uwa yah Truck wa ong u wa kit u ya ki mar sorkar.
Heiyatoh wa ini ki pulit da booh ki da ka Suo-Moto Case pyn ha ka jooh ka sngi.
Ki pulit da kem ki leh ya kini ki damok wa tip kam u Chaniah Bhoi (22), u Kissme Dkhar (26) wa u Pyniaid Phawa (23) wa lehbor wei lute ki ya kani ka Truck kamjooh wow maham ya uwa yah ha Madur iwa da jia ha ka 28-04-2026.
Ya kini ki damok da phah wow kset 14 sngi hapoh ka Judicial Custody.
Discussion about this post