Uwi u tre ka thaw ri syiar wa em ha Sultanpur District ka Uttar Pradesh da ujor FIR u ha ki pulit hadien wa yap 140 tylli ki syiar wa em ha ka Farm u deiwa pynbaad wa ini da jia i neidaw wa joor pynheh sur wa tem lyngba ka DJ System heipor wa pynman yei lai bia deiwa lai luti najan ka Farm u hei miet ka 25 tarik u April.
Ha katai ka miet, ka kynthai wa bia toh kawa sah ha kani ka chnong wei hawa lai ko cha thaw bia da kitlang wa ki tanghæng wa pynheh sur bha.
U Sabir Ali uwa man kam u tre ka Sabir Ali Poultry Farm da ong u wa kini kiwa bia da lai luti ki nakhmat ka Farm u heipor 9:30 i miet wei i pynheh sur da pyntieñ i ya ki syiar u hadooh wa em 140 tylli ki wym ye de u chah yeini ood i sur hadooh wa yap noh ki.
Neiliang ki pulit ha ka 28 tarik da lai kem ki ya u Kavi Yadav uwa man kam u DJ Operator uwa na Parsipur.
Ki pulit da takit ki leh wa lada pyneh yei sur palat ya u pood wa chah ha itu i por wei katkam wa chem ka Post-Mortem Report, kini ki syiar da yap ki neidaw wa joor pynheh sur iwa da ktah ya u klongsnaam ki. Kamtæ da phah Notice cha kiwa da emkti ha ini i kaam.
Katkam wa chem ki bru chemphang, lada joor ware ood i sur, em ki mrad deilang ki sim ki wym ye u chah hadooh wa poi chei sangeh u klongsnaam ki.
Discussion about this post