Chah kem 4 ngut ki dkhot ka HNYF heiyatoh wa iwa jia ya u Lawyer

Ki pulit ynnin da kem ki ya 4 ngut kiwa yahkhmat ka Hynniewtrep National Youth Front (HNYF) deiwa pynbaad wa dat wei pynlai paidbah ki ya u Lawyer wa tip kam u AH Hazarika hadien wa poor ka khubor wa jrong kti wei tba kti khlem akor u ya kawi ka kynthai kawa wan wow kreh kam ka Intern hapoh yong oo ha Keating Road, Shillong.

Ki khubor wa da mih da ong wa u Hazarika da em u leh kawi ka mukotduma kawa dang chah bichaar heiyatoh wa leh khlem akor u ya kawi won ka kynthai.

Ka High Court hawa bichaar ya ka mukotduma wa da yaleh da ka Meghalaya Bar Association wa ka Shillong Bar Association da pynsñiaw ko yei sñiawkhia wa kammon da kem ya uni u Lawyer da ki bru paidbah deiwa dat ya oo, deiwa pynlai paidbah yow dai sarom wei lai booh ya oo cha Sadar Police Station.

Kiwa yaleh mukotduma da ong ki wa ini pynyoo wa ki pulit ym em leh ki yei kaam yong ki heiwa ym em leh kem ki ya kini ki bru kamjooh ym em booh FIR pyrchah ya ki.

Related posts

Ynnin chem chitom kawa sooh khon ynne won sahkut ki kari hei ktieh nei tih sarok

August 1, 2026

Pynbna ka sorkar wa da pyndam noh yei booh ya kawi ka Police Outpost

July 31, 2026

Ka yung bichaar da ong ko wa katkam wa man kattæ yoosar wa ki pulit yoo hi ki yeini wa jia tangwa ym em leh ki iyi iyi.

Ha iwi won i liang, ka Shillong Bar Association da Suspend ko yei man dkhot u Hazarika.