Ynnin ka 31 tarik u July u sarok wa pynyabi ya ka thaaiñ Nongkhlieh Saipung wa kiwi ki bynta ka East Jaiñtia Hills da chah tih u ha ki bru wym tipmit chwa wow pynman ya ka Public Hearing ka Shree Cement Ltd yow paan bor tih moochuni ha Lum Syrman, Elaka Nongkhlieh.
I tih ya u sarok da jia i ha i bynta ka Tongseng Nongkhlieh (chwa wow poi ka Shnongrim) heiwa da tih ya oo kam kawi na ki laad wow khang ya kiwa lai pyrchah Public Hearing u lai chimbynta ki ha ka. Hadien wa sdang ka Public Hearing da tlep da tymmoh biang ya u sarok da i khyndaw.
Ynnin i miet da em u slap uwa da pynjem ya i khyndaw wa da tlep iwa da wanrah won yei sahkut ki kari kiwa mut wow lai pyndep yei kaam.
Uwi na uwa chong chnong ka Elaka Nongkhlieh da ong u wa ini man iwa ymye wow pdiang wei i sahkut ki kari ynne i step man iwa dang sdang heiwa daw chah ktah i lai i wan sam ha ki sngi wa ki tayaaw wow wan.
Ha kani ka jooh ka thaw ynnin ka sngi kawi ka manbei wa sooh khon leh da hap yang ko hadooh pyndap khyndaw yow ye u kit ka cha chiliang ha kawi won ka kari.
Discussion about this post