Hadien wa yoh ya ka yutip wa tikna ki pulit ka Anti-Narcotics Task Force na East Jaiñtia Hills District da pynman ki yei kynreh ha Umkiang Police Patrol Post kawa haap hapoh ka Lumshnong Police Station ynnin i miet ka 30-01-2026.
Ha ini i kynreh ki pulit da ksoh ki ya kawi ka kari kit phñiang namo ka Tanker wa em Number AS-11DC-1200 wa soo ngut ki bru wei na ki da chem 4 synduk sabon wa khia 45.5 Gram i drugs Heroin wa 4 tylli ki Mobile Phone wei da suba wa kini ki soo ngut emkti ki ha i khayi drugs hapyrdi ki jylla.
Kini kiwa chah kem kynthup ki ya u Shymal Boro na Lokhra Chariali, PO/PS-Gorchuk District Kamrup, u Matab Uddin na Khelma Pt-VII PS-Katigorah, Silchar, Dist – Cachar, u Ataur Rohman na Shiberchak PO Shiberchak, Karimganj wa u Biren Singha na Madhopur PS Katlicherra District Hailakandi.
Ini i Heroin wa 45.5 gram chongdor i kamwa Rs. 20 Lak wei da register ya ka case ha Lumshnong Police Station hapoh ka NDPS Act.
Discussion about this post