Pynlait poisa ka sorkar yow su sa le bnai ka tulop kiwa kreh ka JHADC

Ynne ka sngi da yoh yutip wa ka sorkar da phah ko ya ka poisa cha ka Jaiñtia Hills Autonomous District Council (JHADC) neibynta wow su ya ka tulop kiwa kreh.

Hawa yaklam wa u Chief Executive Member ka Council, u Thombor Shiwat da pyntikna u yeini deiwa ong wa ha ki sngi wow wan daw psiah noh ka tulop wa le bnai yong kiwa kreh.

Ka poisa wa da poi neibynta ka tulop man ko Rs. 25,82,67,009 wei katkam wa man katni dang yang sa ya u Deputy Commissioner ka West Jaiñtia Hills wow soi ya ki kot ki sla.

Related posts

Kyntu ka manbei wow pynchlur ya ki khon hei rep hadien i puræ ym du wow yang kreh sorkar

May 16, 2026

Dang man iwa chimpor wow thung pura ya ki Doctor | Em ki wym bien u lai kreh cha palatsor: Wailadmiki

May 16, 2026

Hawa yoh u yaklam wa ki kattu katni kiwa kreh ka Council da pynsñiaw ki yei mynsien wa kmen wei e khublei ya ka sorkar wa daw pynlait ko ya kani ka tulop.

Kamwa man kattæ ka tulop wa su khaddooh toh neibynta u April 2025 iwa man 9 bnai wa dang sah lada kheiñ wa uni u bnai January 2026 wei hadien wa su ya ki 3 bnai daw sah sa 6 bnai ka tulop wym pu em su.